آؤ پھینکتے ہیں:


سپریم کورٹ نے اگلے پارلیمانی الیکشن کےلیےبھاجپا کو ایک بہترین مدا دے دیا ہے، قانون مرکز بنائے گا؟ گھنٹہ بنائے گا، بالکل پندرہ لاکھ، کالا دھن اور وکاس کی طرح اب طلاق پر قانون بھی بنےگا۔جی ہاں ملک کی ترقی طلاق کی وجہ سے رکی ہوئی تھی، بس ایک مرتبہ مسلمان وندے ماترم کہدیں پھر دیکھنا بھارت سب سے پہلے امریکہ کو غلام بنائے گا، طلاق کی اس اپار سفلتا کے بعد یہ یقینی ہے کہ اگلا ورلڈ کپ اور پاکستان کا الیکشن بھی بھاجپا ہی جیتے گی۔مودی جی جس طرح سے 5000 سال سے الگ الگ روپ میں ملک کی خدمت کر رہے ہیں اس سے سمجھ میں آتا ہے کہ ملک کے گورکھپور اور بنارس کو ٹوکیو سےبھی خوب صورت اور ہائی ٹیک بنایا جائےگا، گورکھپور کے اسپتالوں میں عن قریب ہی غیر ملکی سیاح علاج کے لیے آنا شروع ہو جائیں گے، ٹرین کی اس تیز رفتاری کو دیکھتے ہوئے اگلی بلٹ ٹرین ناگپور سے چاندپور تک چلائی جائے گی، جی ہاں جے این یو کو چاند پر شفٹ کیا جائے گا تاکہ وہاں سے وکاس کی یوجنائیں اور پندرہ لاکھ والا پروجیکٹ کیفیات ایکسپریس میں بھیجا جا سکے، بہار بنگال اور آسام وغیرہ کو سمندر میں آباد کیا جائے گا تاکہ وہ پانی میں رہنے اور مچھلی پکڑنے کے شوق کو پورا کر سکیں۔ہندو راشٹر قایم کرنے کے بعد مسلمانوں کے سبھی مسئلے سلجھائے جائیں گے۔ہندو عورتوں کو طلاق حلالہ اور پردے جیسی قید سے آزاد کرانے کے لیے ملک بھر میں آر ایس ایس کی برانچ کھول کر بھرتی ہونے کا اور بغیر شادی کے خوشیاں بھوگنے کا آنند دیا جائے گا۔اگر اگلا الیکشن مودی جیتتے ہیں توسمبت پاترااور رام دیو جیسے سائنس دانوں کے ذریعہ گائے کے گوبر سے ایسے چشمے تیار کرائے جائیں گے جنھیں پہن کر آنکھ مارتے ہی دیوار چین ہل کر گر جائے گی۔امرتی ایرانی نے دعوی کیا ہے کہ وزارت ریل مجھے دے دی جائے میرے ہوتے ہوئے ٹرین پٹری سے نہیں اتر سکتی۔مودی جی اگلے کچھ دنوں میں کابینہ میں تبدیلی کرکے سبرامنیم سوامی کو وزیر قانون بنائیں گے تاکہ سعودی عرب کی مساجد کے تمام تنازعات کا فوری حل نکال سکیں، بابا رامدیو کو یوگ منتری بنائیں گے تاکہ وہ شاہ سلمان سمیت پاکستان کے تمام اعلی حکام کو نماز کی تربیت دے سکیں، آسارام باپو کو وزارت برائے خواتین واطفال سپرد کی جائے گی تاکہ وہ خواتین کی نگہداشت اور بچیوں سے جڑے تمام معاملات کا حل نکال سکیں،سنسکرت کو اقوام متحدہ کی زبان قرار دیا جائے گا تاکہ عام آدمی بھی اپنی بات حکومت اور عالمی دانشوروں تک پہنچا سکے، جی ہاں قرآن وحدیث کی روشنی میں تین طلاق حلالہ تعدد ازواج اور ہندو مسلم مسائل کا حل تلاش کرنے کے
لیے سنسکرت علما کو مدعو کیا جائے گا، جس کا آخری اور حتمی فیصلہ ملک کے چیف جج سدھیر چودھری(تہاڑ جیل والے) کریں گے، ملک میں مزید گیتا اکادمیاں کھولی جائیں گی تاکہ منو اسمرتی کی تعلیمات کو فروغ دے کر ملک میں اونچ نیچ اور فرقہ پرستی کی دیوار کو منہدم کیا جا سکے، مودی جی کا اگلا نشانہ کشمیر کی امن و سلامتی ہے جس کے لیے انہوں نے ملک خراسان کی راجدھانی ناگپور کی سنگھ آرمی کو یہ حکم نامہ جاری کیا ہے کہ وہ گھر گھر جاکر گئو رکشا کے طریقے بتائے تاکہ گائے کے گوبر سے نکلنے والے آکسیجن سے بچوں کی موت پر قابو پاسکے۔کشمیر میں پوری طرح امن بحال کرنے کے لیے دفعہ 370 اوردفعہ ٢۵ کو ہٹانے کا آشواشن دیا ہے، ادھر بہار کے سیلاب اور ہلاکتو ں کی روک تھام کیلئے آترا کمار سریجن گھٹالے کے اہم ملزمین کا دفاع کررہے ہیں ۔
پاکستان اور چین کو سبق سکھانے کے لیے مودی جی نے کرنل پروہت کو آزادی کا پروانہ دلا دیا ہے تاکہ وہ پٹرول کے بڑھتے داموں کو کنٹرول کر سکے، ملک کے وزیر مالیات ارون جھوٹلی نے دنیا کے امیر ترین حضرات سے بھارت میں آکر گوبرکے اپلے اور گوبر گیس میں قسمت آزمانے کی درخواست کی ہے، اس سے ملک کی معیشت اتنی بڑھے گی کہ ملک کا ہر باشندہ اپنی ایک نجی سنسکرت یونیورسٹی چلا سکتا ہے، اسی ماحول کو دیکھتے ہوئے راجستھان کی وزیر اعلی مایاوتی کوڈنانی نے ریاست میں پندرہ لاکھ سنسکرت پوسٹ یوگ سکھانے کے لیے منظور کردی ہیں، سننے میں آیا ہے کہ24 عربی ممالک کے لوگ ان پوسٹوں پر تقرر پانے کے لیے مودی مودی کے نعرے لگا رہے ہیں، اترپردیش کے مکھیا+ بھگوان یوگی جی نے ریل کرایہ کم کرنے کے لئے مدارس اسلامیہ کا رجسٹریشن لازمی کرنے کا حکم کردیا ہے ۔ ساتھ ہی یوپی کے حفاظتی بندوبست کے لئے اینٹی رومیو پولس کا افتتاح کیا ہے، کل ہی کچھ شر پسندوں نے ایک معصوم لڑکی کا چھیڑ چھاڑ کا احتجاج کرنے پرہاتھ کاٹ ڈالا، یوگی جی ان تمام واقعات سے اتنا پریشان ہیں کہ انہوں نے گئوشالہ کا درشن کرنے کے لئے سخت احکامات جاری کردئے ہیں، اب دیکھتے ہیں شر پسند عناصر کہاں جائیں گے،گورکھپور کو گندگی اور کچرے سے مکت کرنے کے لئے یوگی جی بڑا قدم اٹھاتے ہوئے شہر کانام بدلنے کا اعلان کردیا ہے ۔آج وزیر ریل سریش پربھو نے استعفی دیتے ہوئے کہاکہ میں نے تین سالوں میں ریل کو طاقتور بنانے کےلئے اپنا خون پسینہ بہایا ہے، انھوں نے بتایا کہ مظفرنگر حادثہ جہادیوں کے سنسکرت نہ جاننے کی وجہ سے ہوا در اصل ہم نے سمجھوتا ایکسپریس میں پاکستانی فوجیوں کے لاکھوں سر لوڈ کرکے بھیجے تھےاور جہادیوں کو دھوکا دینے کے لئے ٹرین کا نام سنسکرت میں رکھا، جہادیوں کو سمجھ میں نہیں آیااور انہوں نے سمجھوتا ایکسپریس کی جگہ کلنگ ایکسپریس کونشانہ بنایاڈالا جس سے جہادیوں کا مقصد پورا نہ ہوسکا۔ ہنگری کے وزیر اعظم نواز شریف نے مودی دوستی کا ثبوت دیتے ہوئے تمام کالا دھن نیپال کے راستے سے بھیجا تھالیکن سیتامڑھی نیپال سرحد پر مچھلی پکڑنے والوں نےاپنے اپنے جالوں سے جہاز کو پکڑنے کی کوشش کی تو سارا دھن پانی میں بہہ گیا یہ دیکھ کر لوگوں نے باندھ توڑ ڈالے کہ دیس کا پیسہ بدیس میں نہ چلاجائے، بہار کی عوام کی سراہنا کرتے ہوئے دبئ کے ایک بنیے امت شاہ نے یہ کہا کہ اگر یہ پیسہ مجھے مل جائے تو میں تمل ناڈو تلنگانہ اور چننئی سے ایم پی خرید کر ریاست بہار کو مالا مال کردوں گااور اس کانام بدل کرسیلاباباد رکھدوں گا،نام بدلنے کا پروپوزل یوگی جی کے پاس بھیج دیا گیا ہے۔پاکستانی فوجیوں نے ہمارے فوجیوں کے سرمیں گولی مار کر ہلاک کردیا اور منوہر پریکر یہ سوچ کر بہت خوش تھے کہ چلو آنکھ تو بچ گئی ۔

تبصرے

ایک تبصرہ شائع کریں

اس بلاگ سے مقبول پوسٹس

جامع آیا صوفیا

تصویر
از: اسلم مصباحی,ریسرچ اسکالر جواہرلال نہرو یونیورسٹی۔ نئی دہلی بحث چل رہی تھی کہ میوزیم کو مسجد کیوں بنایا، حالانکہ بات صاف ہے کہ مسجد کی سابق حیثیت کو بحال کیا گیا ہے۔ یہ قضیہ بھی حل ہوا تو اب دوسری بحث چھڑ گئی ہے کہ سلطان فاتح نے ایک کلیسا کو زور بازو سے مسجد کیوں بنایا؟ اور کیا وہ سلطان نے خریدی تھی؟ وغیرہ وغیرہ۔ آخر کے دونوں سوالوں پر بعد میں چرچا کریں گے تاحال اتنا واضح ہو کہ فتح قسطنطنیہ کے بعد سلطان نے مصر،شریف مکہ اور دیگر سلاطین اسلام کی طرف خطوط روانہ کیے جس میں فتح کو اللہ و رسول کے حکم کی تعمیل بتایا گیا ہے، خط پہنچتے ہی ہر جگہ جشن منایا گیا،منبروں پر سلطان کے لیے دعا کی گئی، شریف مکہ نے نہایت خوشی کا اظہار فرمایا،اور جوابی خط لکھا، لیکن کسی بھی خط میں اس بات پر کوئی تنقید نہیں ملتی کہ ایک کلیسا کو کیوں چھینا، ظاہر ہے اس دور میں یا تب کے اصولوں کے مطابق یہ بحث بے معنی ہی ہوگی۔ فی الحال ہم پہلے شوشے پر چرچا کرتے ہیں، میوزیم کو مسجد میں کیوں بدلا؟ ہرگز نہیں بدلا،مسجد کو مسجد کی حیثیت واپس کی گئی ہے۔ لیکن کیا یہ قانونی طور پر میوزیم قرار دیا گیا تھا۔ اس ڈبیٹ کے دوران نیا موڑ ...
مزید پڑھیں

علما کی ضرورت اور اہمیت

تصویر
از: اسلم مصباحی،ریسرچ اسکالر جواہرلال نہرو یونیورسٹی۔ نئی دہلی علما کو اپنی زبان وکردار پر قابو رکھنے کے حوالے سے پچھلی ایک پوسٹ میں صدر الافاضل کا تذکرہ کیا تھا۔در اصل 'ساردا ایکٹ' کی مخالفت کرنے پر خواجہ حسن نظامی نے کہا کہ ''خود غرض ملا لالچ سے اس قانون کی مخالفت کرتے ہیں''۔ صدر الافاضل نے جواب لکھا: ''علما کو خواجہ صاحب نے اپنے اوپر قیاس کرلیا ہے،اور معلوم نہیں کہ علما کے طرز عمل سے آپ اس قدر ناواقف کیوں ہیں؟ آپ کو خبر نہیں کہ مسائل بتانے اور فتوے لکھنے پر علماےدین کوئی معاوضہ نہیں لیتے، غریب سے غریب، نادار سے نادارعالم بھی یہ حمیت اپنے دل میں رکھتا ہےکہ عمر بھر مسائل بتاتا ہے،فتوے لکھتا ہے اور کبھی کوئی معاوضہ طلب کرنے کا وہم بھی اس کے دل میں نہیں آتا۔''(صدرالافاضل کی سیاسی بصیرت: 22)۔ اشرف علی تھانوی صاحب نے میرٹھ کے ایک جلسے میں کہاتھا''تم علما کو اپنا محتاج سمجھتے ہو تو ان کو چندہ دینا بند کردو،الحمد للہ ہم کو کچھ پرواہ نہیں ،ہم میں سے کچھ چاول کی دکان کرلیں گے کچھ آٹادال کی ،کچھ اور چیزوں کی، مگر اس حالت میں تم اپنی اور اپنی اولا...
مزید پڑھیں

انقلاب کے آرزومند مسلم نوجوانوں سے چند باتیں(1)

از :اسلم مصباحی،ریسرچ اسکالر جواہرلال نہرو یونیورسٹی۔ نئی دہلی پچھلے ہفتے کچھ احباب کی پوسٹوں پر نظر پڑی جو شاعری کے ذریعے انقلاب برپا کرنے کی بات کررہے تھے۔ پڑھ کر اچھا لگا،سوچا میں بھی کچھ عرض کروں، لیکن بیچ میں'آیا صوفیا مسجد' کی بحث نے مشغول کردیا۔ بھائیو! اولاً تو میں سبھی نوجوانوں کو مبارکباد پیش کرتا ہوں جو موجودہ حالات سے نکل کر نئی دنیا کے متلاشی ہیں۔ یہی وہ تڑپ ہے جس کو دیکھنے کے لیے اقبال نے اپنی زندگی وقف کی۔ سرسید نے اسی تڑپ کی وجہ سے ایک ادارہ قائم کیا تاکہ امت مسلمہ اپنی عظمت رفتہ کو واپس لے سکے۔اولین بات یہ ہے کہ انقلاب کوئی ایک شخص نہیں لا سکتا اتحاد اس کے لیے لازمی ہے، مثلا دس بھائیوں ہوں اور نیا گھر بنانا ہوتو کسی ایک کے کاندھے پر بوجھ نہیں لادا جا سکتا۔ انقلاب سے پہلے یہ جاننا لازمی ہے کہ ہماری اب تک کی صورت حال کیا ہے، اور ہم سے اب تک کیا کیا غلطیاں ہوئی ہیں۔اور اگلا مشن کیا ہوگا۔ دوچیزیں اور بے حد اہم ہیں۔(1)اپنی تاریخ پر نظر(2) دشمنوں کی سازش کا علم۔ ہمارا رہبر اور ہماری دلیل قرآن و حدیث ہے، اگر موجودہ دور کی چمک دمک کو دیکھ کر آپ اسلام سے مایوس ہوگئے ...
مزید پڑھیں